Yedutoos Nkauj
Nkauj Qhuas Vajtswv
Yedutoos…tus qhuas Vajtswv!
Tus txivneeg lub npe hu Yeduthoos hais tshwm nyob hauv 1 Xwmtxheej 16:41. Nws lub npe Yeduthoos txhais hais tias “Qhuas Vajtswv Mus Li- Praising.” Yedutoos yog ib raug xaiv los qhuas Vajtswv. Peb qhov “Zes Kablaug Sab-website” no muab tisnpe hu ua Yeduthoos- Qhuas Vajtswv Mus Li! Ua neej nyob peb nyob qhuas Vajtswv thiab ua lub neej kom Vajtswv Yexus tau koobmeej.
Sijhawm nej tabtom qhib mus saib thiab mloog cov nkauj nyob hauv lub “Zes Kablaug Sab”, thov kom Vajtswv tib Leeg xwb tau meejmom ntawm nej txhua tug. Thaum nej mloog tej nkauj, nej lub siab yuav raug tshoov los ntawm Vaj Ntsujplig “Ya-Dujtoog- Yedutoos” rau ntawm Tswv Yexus. Mloog tej nkauj, Vaj Ntsujplig yuav pub kom nej ua “Yogtoog” pom Tswv Yexus tseeb zujzus ntawm nej lub neej (Tes Haujlwm 2:17). Nyob hauv 1 Xwmtxheej 16:8-11 thiaj sau qhuas Vajtswv li no:
Cia li txhawb nqa ua tus TSWV tsaug, cia li qhia nws tej haujlwm uas loj kawg nkaus;
Qhia tej uas nws twb ua tiav tas los lawm rau txhua lub tebchaws paub.
Hu nkauj txhawb nqa qhuas tus TSWV; qhia tej txujci tseemceeb uas nws ua tas los lawm rau sawvdaws.
Cia li zoo siab uas peb yog nws tug; txhua tus cia li zoo siab pehawm nws.
Cia li mus nrhiav tus TSWV uas muaj zog loj zog nchav; thiab pehawm nws tsis tseg tsis tu li!